Frå arkivet:

Her er oversikt over tidlegare utlyste stillingar i BOiVEST frå ca. årsskiftet 2010/2011

Ledige stillingar i BOiVEST

Har du lyst til å bli med på laget for å bygge og drive attraktive bumiljø i fylket?

På grunn av aukande oppdragsmengd søkjer vi

Ingeniør / sivilingeniør

til vår tekniske avdeling med seks tilsette. Hos oss får du ansvar for oppstarta byggeprosjekt, samt delta i utvikling og realisering av nye bustadprosjekt som BOiVEST har under planlegging i fylket.

Arbeidsoppgåver
Viktige arbeidsoppgåver blir å ivareta byggherre og kundane sine interesser overfor entreprenør og andre aktørar gjennom heile byggeprosessen, også etter overlevering. Du får ansvar for kontrakt- og entrepriseadministrasjon med deltaking i utarbeiding av anbodsgrunnlag, kalkyle, budsjett, husbankfinansiering samt intern prising. Kontakt med og styring av arkitekt, konsulentar og entreprenør i ulike prosjektfasar. Du får administrativ og fagleg kvalitetsoppfølging i samsvar med lovverk, kontrakt og standard. Teknisk oppfølging og kontroll på byggjeplass samt delta på byggjemøte, samt ansvar for og rapportere framdrift og økonomi i prosjekta. I dette høyrer også innkjøpsansvar, fakturakontroll og generell sakshandsaming knytt til fagområdet. Du får høve til å delta i utvikling av interne rutinar, prosedyrer og kvalitetssikringssystem samt implementering i eigen organisasjon.

Personlege eigenskapar
Vi søkjer ein medarbeidar med personleg initiativ, ei proaktiv haldning og er løysings- og resultatorientert. Du arbeider sjølvstendig, men kommuniserer godt og kan jobbe i team for å realisere planar og prosjekt. Det er også viktig at du har fagleg integritet, godt humør, pågangsmot og du kan yte god service til kundane våre. Du evner å samarbeide med ulike aktørar både internt og eksternt og har god forståing for heilskap og rollefordeling i ein byggjeprosess. Det at du yter ein ekstra arbeidsinnsats i hektiske periodar blir vektlagt.
Ønska kvalifikasjonar

Vi søkjer etter ein ingeniør/sivilingeniør med minimum 2-3 års erfaring frå tilsvarande arbeidsoppgåver som entreprenørverksemd, rådgjevande konsulent eller med relevant realkompetanse innan prosjektarbeid og med god innsikt i byggje- og anleggstekniske fag samt gjeldande regelverk knytt til fagområdet. Tilleggsutdanning innan økonomi, administrasjon, leiing og praktisk erfaring frå byggjeplass vil også verte tillagt vekt.

Vi tilbyr
Du får varierte arbeidsoppgåver innan heile fagområdet knytt til prosjektutvikling, nybygging, rehabilitering samt konsulentoppdrag for eksterne kundar i offentleg og privat sektor. Du vil i stor grad kunne påverke og styre din eigen arbeidsdag i eit positivt og uformelt arbeidsmiljø. Du får konkurransedyktig løn, fleksitid, utvida ferie, fri pensjons- helse- og andre forsikringsordningar. Kurs og fagleg oppdatering internt og eksternt.

Du må rekne med ein del reiseaktivitet i regionen i samband med prosjektleiing, du må difor ha førarkort i kl B.

Vil du bli med på laget?
Send kortfatta søknad med CV til liv.judit.straume@boivest.no innan 14. desember 2010.
Meir informasjon om stillinga: Ass.dir. Magne Rye 906 42 332
eller Prosjektleiar Rolf Natvik 901 59 688

På grunn av aukande oppdragsmengd, treng vi også

Autorisert rekneskapsfører

til vårt forvaltning- og rekneskapsbyrå med sju tilsette. Hos oss vil du inngå i teamet som yter tenester til burettslag, sameige og andre selskap.

Arbeidsoppgåver
Som autorisert rekneskapsmedarbeidar får du ansvar for eiga portefølje, du yter fagleg bistand og oppfølging av kundar, andre medarbeidarar samt delta i utvikling, dokumentasjon og kvalitetssikring av selskapet sitt økonomi- og forvaltningssystem. I 2011 skal BOiVEST innføre ny IT løysing til forvaltning og drift. Vår nye rekneskapsmedarbeidar får ei sentral rolle i dette arbeidet.

Personlege eigenskapar
Vi søkjer ein medarbeidar med personleg initiativ, er resultatorientert og sjølvstendig, men som også kan jobbe i team for å realisere planar og målsettingar for fagområde og selskap. Det er også viktig at du har fagleg integritet, godt humør, pågangsmot og gir god service til kundane våre. Det at du yter ein ekstra arbeidsinnsats i hektiske periodar blir vektlagt.

Ønska kvalifikasjonar
Dei formelle kvalifikasjonskrava følgjer kravet til autorisasjon av rekneskapsførarar. Søkjar må derfor inneha autorisasjon, eller ha utdanning på høgskule og relevant praksis slik at autorisasjon kan oppnåast ved å søkje Finanstilsynet. Alternativt at du kan oppnå denne autorisasjonen innan rimeleg tid.

Vi tilbyr
Du får varierte arbeidsoppgåver innan heile fagområdet bustadforvaltning og drift av fleire typar selskap i eit positivt og uformelt arbeidsmiljø. Du får løn etter avtale, fleksitid, fri pensjons- helse- og andre forsikringsordningar. Fagleg oppdatering internt og eksternt.

Du må rekne med noko reiseaktivitet i regionen i samband med møter og generalforsamlingar, du må difor ha førarkort i kl B.

Vil du bli med på laget?
Send ein kortfatta søknad med CV til reidun.erdal@boivest.no innan 14. desember 2010.
Meir informasjon om stillinga: Ass.dir. Magne Rye 906 42 332 eller Forvaltnings- og regnskapssjef Reidun Erdal 992 99 774

Boligbyggelaget BOiVEST er eit andelslag med over 4500 medlemar som forvaltar omlag 2500 bustader. BOiVEST samarbeider med dei fleste kommunar i Sogn og Fjordane og meklar både brukte og nye husvære i desse kommunane. BOiVEST fører rekneskap og forvaltar over 110 burettslag, stiftingar, sameige og andre selskap, forsikringssaker, byggjeleiing, administrasjon og sal av nye byggjeprosjekt. BOiVEST har i dag 17 tilsette med hovudkontor i Førde, men vi har også tilsette i Florø og Høyanger. Selskapet er autorisert eigedomsmeklar- og rekneskapsførarselskap samt medlem av NEF og NARF. BOiVEST er aksjonær i Brukerdata as - datasystem til forvaltning og drift, Garanti Eiendomsmegling, eigedomsselskapa Futurum AS og Nordfjord Utbygging AS. BOiVEST har forretningsadresse i Førde sentrum. Førde er vekstsenter i fylket og har eit variert tilbod innan handel, kultur, utdanning, fritidsaktiviteter og friluftsliv.

Boligbyggelaget BOiVEST er eit andelslag med over 4500 medlemar som forvaltar omlag 2500 bustader. BOiVEST samarbeider med dei fleste kommunar i Sogn og Fjordane og meklar både brukte og nye husvære i desse kommunane. BOiVEST fører rekneskap og forvaltar over 110 burettslag, stiftingar, sameige og andre selskap, forsikringssaker, byggjeleiing, administrasjon og sal av nye byggjeprosjekt. BOiVEST har i dag 17 tilsette med hovudkontor i Førde, men vi har også tilsette i Florø og Høyanger. Selskapet er autorisert eigedomsmeklar- og rekneskapsførarselskap samt medlem av NEF og NARF. BOiVEST er aksjonær i Brukerdata as - datasystem til forvaltning og drift, Garanti Eiendomsmegling, eigedomsselskapa Futurum AS og Nordfjord Utbygging AS. BOiVEST har forretningsadresse i Førde sentrum. Førde er vekstsenter i fylket og har eit variert tilbod innan handel, kultur, utdanning, fritidsaktiviteter og friluftsliv.