Vi søkjer
Autorisert rekneskapsfører
til vårt forvaltnings- og rekneskapsbyrå med sju tilsette. Vår nye medarbeidar vil inngå i teamet som yter tenester til burettslag, sameige og andre selskap.
Arbeidsoppgåver
Som autorisert rekneskapsfører får du ansvar for eiga portefølje, du yter fagleg bistand og oppfølging av kundar, andre medarbeidarar samt delta i utvikling, dokumentasjon og kvalitetssikring av selskapet sitt økonomi- og forvaltningssystem. Dagleg ansvar for BOiVEST sitt rekneskap vil også være tillagt stillinga.
Hausten 2011 skal BOiVEST innføre ny IKT løysing til forvaltning og drift. Du vil få ei sentral rolle i dette arbeidet.
Personlege eigenskapar
Vi søkjer ein medarbeidar med personleg initiativ, er resultatorientert og sjølvstendig, men som også kan jobbe i team for å realisere planar og målsettingar for fagområde og selskap. Det er også viktig at du har fagleg integritet, godt humør, pågangsmot og gir god service til våre kundar og samarbeidspartar. Ein må pårekne ekstra arbeidsinnsats i hektiske periodar.
Ønska kvalifikasjonar
Dei formelle kvalifikasjonskrava følgjer kravet til autorisasjon av rekneskapsførerar. Søkjar må derfor inneha autorisasjon, eller ha utdanning frå høgskule og relevant praksis slik at autorisasjon kan oppnåast ved å søkje Finanstilsynet.
Vi tilbyr
Du får varierte arbeidsoppgåver innan heile fagområdet bustadforvaltning og drift av fleire typar selskap. Du får løn etter avtale, fleksitid, fri pensjons- helse- og andre forsikringsordningar. Fagleg oppdatering internt og eksternt.
Du må rekne med reiseaktivitet i regionen i samband med møter og generalforsamlingar, du må difor ha førarkort i kl B og disponere bil. Organisasjonen og systema våre er i endring, noko som kan medføre endringar i arbeidsinnhaldet.
Meir informasjon om stillinga: Ass.dir. Magne Rye 906 42 332 eller Forvaltnings- og regnskapssjef Reidun Erdal 992 99 774
Vil du bli med på laget?
Boligbyggelaget BOiVEST er eit andelslag med nær 5000 medlemar som forvaltar omlag 2500 bustader. BOiVEST samarbeider med dei fleste kommunar i Sogn og Fjordane. BOiVEST fører rekneskap og forvaltar over 110 burettslag, stiftingar, sameige og andre selskap. Arbeidsområde elles er forsikringssaker, byggjeleiing, administrasjon og bygging av nye bustadprosjekt. Selskapet er autorisert rekneskapsførarselskap og medlem av NARF. BOiVEST er aksjonær i Brukerdata as - datasystem til forvaltning og drift, Garanti Eiendomsmegling Vest AS og eigedomsselskapa Futurum AS og Nordfjord Utbygging AS. BOiVEST har i dag 15 tilsette med hovudkontor i Førde med tilsette også i Florø og Høyanger. Førde er vekstsenter i fylket og har eit variert tilbod innan handel, kultur, utdanning, fritidsaktivitetar og friluftsliv.
Sjå tidlegare utlysningar frå arkivet