- Med vår lokalkunnskap i fylket, solid erfaring og kvalitetstempelet som Garanti gjev, ligg alt til rette for ein trygg og god handel hos oss, seier dagleg leiar Tore Berqvam, som også legg til at Garanti sel alle typar eigedom som burettslag, sameige, einebustader og næringsareal. Berqvam er meklar og dagleg leiar i nye Garanti Eiendomsmegling Vest AS som opna i nye lokale i Førde onsdag 9. mars.

- Når vi veit at kjøp og sal av bustad er den desidert viktigaste investeringa folk flest gjer i livet, er det viktig at transaksjonen av denne livsformuen blir ivaretatt på ein profesjonell og trygg måte. Det er nettopp det som er Garantistempelet i praksis. Men for å gje slik tryggleik ved omsetting av bustad trengst det fagkompetanse og her stiller Garanti Vest sterkt, sa styreleiar i selskapet Liv Judit Straume då ho ønska velkomen til opninga i Garantilokalet i Postgården i Førde. Og ho held fram - Det er heilt nødvendig med den kvalitetssikringa som fagleg kompetanse gjev i samband med både bodrundar og kontraktar.

Styreleiar i BOiVEST Terje Heggheim helsa opninga velkomen og poenterte og at denne satsinga er i tråd med strategien og den retninga styret ønskjer og har vedteke for boligebyggelaget BOiVEST. Heggheim la til at han han for framtida håpa at for dei omlag 2500 leilegheitene i fylket som er BOiVEST si portefølge vil boligbyggelaget sin eigen meklar vere det naturlege valet ved omsetjing av leilegheiter. Heggheim nytta og høvet til å takke dei som har arbeidd for at realisering av Garanti Vest.

Ordførar Nils Gjerland stod for den offisielle opninga, og han snakka varmt om næringsutvikling og helsa etableringa velkomen før han skar over snora med og erklærte Garanti Vest for opna.

Totalt er det fire tilsette i Garanti Vest, desse er dagleg leiar og meklar Tore Berqvam, Raymond Sandøy er eigedomsmeklarfullmektig og tiltenkt rolle som fagansvarleg seinare. Både Berqvam og Sandøy kjem frå meklarverksemda innanfor Sparebanken Vest systemet. Frå BOiVEST kjem meklar Magnar Nilssen og eiendomsmeklar Anja Renate Myrvang (i permisjon).