Stortrivest i nytt hus

Det luktar framleis nytt hus når du stig inn dørene til Ingrid og Arne Myklebust i Florø. I oktober flytta dei inn i ein av dei tre nye firemanns-bustadane i Nybømarka Borettslag, like ved friområdet på Nybømarka.

Framleis manglar det bilete på veggene. Paret skal også få litt meir møblar. Men det meste har kome på plass.

- Vi stortrivest i leilegheita. Her er jamn temperatur og lett å regulere varmen. Den nye teknikken fungerer etter oppskrifta. Det er nesten litt overraskande, men samtidig veldig kjekt, smiler Ingrid Myklebust.

Varme golv

Bustadhusa er utstyrt med ei luft-til-vatn-varmpepumpe. Det vil seie at energien i lufta utandørs blir gjort om til vassboren varme som sirkulerer gjennom alle golva i huset. Det er ei energisparande løysing.

Dei siste åra er det mange som har fått montert luft-til-luft-varmepumper i husa sine. Då blir huset varma opp ved hjelp av varm luft som blir blåst inn i stova eller inn i hallen. Vassboren varme gir meir jamn varme enn pumpene som bles inn luft.

Husa i Nybømarka burettslag har også balansert ventilasjon med varmegjenvinning. Gammal luft blir trekt ut av kjøkkenet, samtidig som det strøymer rein luft ned i stova.

- Her er alltid frisk luft. Ventilasjonen er veldig god, slår Ingrid fast.

Kvart bygg har dessutan fellesmåling av straum, pluss individuelle målarar for kvart husvære. Det gir mindre straumutgifter.

Som einebustad

Dei nye husa på Nybømarka ser ut som tre store einebustadar. Men kvart hus har fire leilegheiter. I kjellaretasjen er to tre-roms husvære på 78 kvadratmeter. Dei to fire-romshusværa er på 129,5 kvadratmater, fordelt på to etasjar.

På framsida av huset er ein stor altan, vendt mot sør. Ingrid ser fram til våren og sommaren når ho kan setje seg ut for døra og nyte sola der. Ho har merka seg at huset ligg lunt til, sjølv om vinden tar godt nede ved sjøen eller på toppane lenger oppe.   På flyttefot Ingrid og Arne har prøvd mange forkjellige buformer. Først budde dei i einebustad i Svelgen, med tre born. Så flytta familien til Florø og bygde ny einebustad i Botnaholten. Her budde dei i 20 år og trivdest godt. Ingrid er lærar på Krokane skule, medan mannen er bussjåfør i Firda Billag. Då borna flytta ut, selde dei einebustaden og flytta inn i ei sjølveigar-leilegheit. Men det var berre ei mellombels ordning. Dei nærma seg pensjonsalderen og var på jakt etter hus dei kunne slå seg til ro med. Og då husa på Nybømarka vart lagt ut for sal, fann dei det som dei ville ha. - Vi ville ha eit lettstelt hus, med minst mogleg vedlikehald. Eit hus vi kunne trivast i, seier Ingrid som også er aktiv i songkoret Jomentum og Landsforeningen for hjerte- og lungesyke. - No bur vi sentralt og har kort veg til det meste. Dessutan har vi god plass til å få besøk av barn og s einar e barnebarn. Her reknar vi med å bli pensjonistar, seier Ingrid.

.