|
Sunnfjordregionen har etter kvart blitt eit felles arbeids- og buområde, og sett vidare i lys av dei endra rammeføresetnadane som følgjer m.a. av dei nye burettslovene, var tida no moden for å etablere eit felles boligbyggelag - BOiVEST. SFBBL og FBBL blir deretter nedlagde, men vi tar med oss over 60 års historie og erfaring inn i det nye laget.
Det er to likeverdige partar som har søkt saman til felles beste, og det nye laget vil ha kontor i både Førde og Florø.
Rasjonaliseringsgevinsten skal vi ta ut gjennom auka aktivitet. Eit av måla med samanslåinga er å verte betre rusta til å utvikle nye byggeprosjekt, og i den samanhengen ser vi eit særleg stort vekstpotensiale i Nordfjordregionen.
Også i Sunnfjord reknar vi med vidare vekst, og den aktivitetsauken som er venta næringslivet i Flørø i tida som kjem, fører til at det blir eit av satsingsområda. Det første prosjektet som blir sett i gang av BOiVEST, blir såleis eit nybygg i Markagata 44-46 i Florø, med 18 leilegheiter.
|
