Enklare å gå frå leige til eige i burettslag
 |
| NY LOV gjer det enklare å gå frå leige til eige i burettslag. (Foto: Husbanken) |
Endring. Etter lovendringa i Burettslagslova, vedteke av Stortinget 1. april 2008, kan kommunen selje ein kommunalt eigd bustad i burettslag til leigar utan at forkjøpsretten kan gjerast gjeldande. Ei tilsvarande endring er vedteke i eigarseksjonslova.
Modell. - Etter endring i Burettslagslova er dei juridiske rammene på plass som gjer mogleg overgangen frå leige til eige i burettslagsleilegheiter som kommunen eig. Dette har vore vesentleg å prøve ut i samarbeidsmodellen mellom Bergen kommune, bustadbyggjelaga i Bergen og Husbanken, seier seniorrådgivar Olav Ohnstad i Husbanken Region vest.
Fornuftig? - Kommunane må sjølvsagt i kvart tilfelle, vurdere nøye om det er fornuftig bustadpolitisk å overføre bustadar til leigetakarane og at dei har føresetnader for å klare dei økonomiske pliktene, seier Ohnstad.
04.06.08, Sist oppdatert: 06.06.08 kl. 08:37
|
